Contra o Cambio Climático, Menos CO2. O Cambio Climático está provocado pola actividade humana, e así o afirma o último informe do Panel Intergubernamental de Cambio Climático (IPCC) de Nacións Unidas, presentado o pasado mes de Febreiro. Os impactos do cambio climático xa son evidentes e maiores que os previstos no anterior informe e, de continuar como ata agora, é probable que as temperaturas medias globais poidan subir ata 6,4°C para finais deste século, levando a máis secas, perigosas olas de calor, inundacións e furacáns máis fortes, ao desxeo de polos e glaciares, e a unha subida importante do nivel do mar.