Amigos da Terra levará a cabo durante a fin de semana do 22 ao 23 de outubro, unha nova actividade formativa no eido da educación ambiental, coa que pretendemos poñer en valor a súa potencialidade.

Amigos da Terra levará a cabo do 30 de setembro ao 7 de outubro, dous cursos prácticos sobre “Bioconstrución” e “Rehabilitación e Construción con cal” no Centro de Educación Ambiental “As Corcerizas”, equipamento pioneiro na utilización de técnicas bioconstrutivas e na aplicación da arquitectura bioclimática como exemplo que demostra a súa realidade.

O Centro de Educación Ambiental As Corcerizas, proxecto pioneiro en Galicia no eido da sustentabilidade e coherencia ambiental, é o lugar elixido pola RIE (Rede Ibérica de Ecoaldeas) para a celebración do seu macroencontro anual. Dende hoxe e ata o vindeiro martes, 300 persoas de todo o estado español compartirán as súas experiencias nun contorno de sostibilidade, autoxestión e exemplo de novos modelos de desenvolvemento.

Amigos da Terra acollerá en As Corcerizas o XIV Encontro de Verán da Rede Ibérica de Ecoaldeas, que se vai celebrar dende o 25 ao 30 de agosto.

Será un momento onde compartir experiencias e coñecementos que nos axuden a transformar de xeito creativo as nosas vidas e o noso entorno cara novos modelos de convivencia que velen pola sostibilidade, a autoxestión e o respecto por minorías e maiorías.