Amigos da Terra abre o plazo de inscrición para a formación en bioconstrución e autoconstrución, que levaremos a cabo a través dun campo de traballo diferente, no que prima o coñecemento de novas técnicas bioconstrutivas e as súas aplicacións prácticas a través da realización de traballos colectivos.

O encontro terá lugar en As Corcerizas, proxecto pioneiro no emprego destas técnicas como exemplo que demostra a súa realidade, do 20 ao 29 de agosto.

Ao longo destes 10 días desfrutaremos dun programa variado de formación, animación, lecer, convivencia e participación, á vez que colaboramos cun proxecto no que podemos demostrar outros modelos de desenvolvemento máis respetuosos co medio que compartimos.

Datas: 20-29 agosto

Prezo: 70 € (inclúe aloxamento e manutención baseada en alimentos procedentes de agricultura ecolóxica e local)

Requisitos: ser maior de idade e ter ganas de vivir unha nova experiencia.

As prazas son limitadas.

Máis información, programa de actividades e inscrición no teléfono 988 374 318 ou no e-mail: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo