Amigos da Terra organiza para este domingo 14 de novembro a III Xornada de Micoloxía e Boas Prácticas no Monte, que terá lugar no Centro de Educación Ambiental As Corcerizas. A actividade dará comezo ás 11.00 horas.

Nesta xornada, na que se combinará a parte teórica coa saída práctica ao monte, os/as participantes terán a oportunidade de recoñecer distintas clases de cogomelos presentes no ecosistema da montaña galega, dende os máis atractivos para a nosa gastronomía ata os máis tóxicos e velenosos.

Así mesmo, informarase das distintas ferramentas a utilizar nesta práctica, como a extracción ou as épocas máis recomendables, unhas técnicas moi importantes para a conservación dos seus hábitats.

Nesta ocasión, contaremos coa colaboración de Juan José Martínez Álvarez, profesional da materia e presidente da asociación micolóxica “Os Cogordos”.

Por outra banda, o albergue de As Corcerizas estará dispoñible para todas as persoas que estean interesados/as en comezar a disfrutar antes da xornada micolóxica e do encanto da serra, co roteiro interpretativo ao Bidueiral de Montederramo e o posterior  magosto que se celebrará o sábado 13 de novembro.  Ao longo desta xornada, ademais da interpretación dos ecosistemas que acubilla a Serra, realizarase un obradoiro de cartografía-orientación e plantaranse árbores nunha zona degradada.

Máis información