Dando continuidade ao labor educativo que levan facendo neste eido Amigos da Terra, no Centro de Educación Ambiental As Corcerizas, e o Concello de Ourense, na Aula de Natureza do río Miño, levaremos a cabo hoxe, para celebrar o Día Forestal Mundial (no Ano Internacional do Bosques), unha xornada de achegamento ao Macizo Central Ourensán, co obxectivo de revalorizar os nosos recursos forestais e iniciar a creación dun bosque de acivros na Serra de San Mamede.

Esta actividade será o inicio dun recurso educativo que irá medrando e madurando co paso do tempo e a implicación dos diferentes Centros educativos e persoas que pasan anualmente pola Serra.

DÍA: Luns 21 de marzo

LUGAR: Macizo Central Ourensán, Serra de San Mamede, entorno do Centro de As Corcerizas

PARTICIPANTES: escolares de Ourense

Dende Amigos da Terra queremos agradecer a doazón da totalidade dos acivros a Luís Álvarez, quen coidou ate o seu tamaño de transplante as árbores que ían saíndo no seu xardín, na zona de Cerdedo.

2011 Ano Internacional dos Bosques

A Asemblea Xeral das Nacións Unidas aprobou en 2006 a resolución pola que se declaraba 2011 Ano Internacional dos Bosques, co obxectivo de concienciar á opinión pública de que os bosques son esenciais para a sustentabilidade do planeta debido aos beneficios económicos, socioculturais e ambientais que proporcionan.

Programa completo da xornada