Non queriamos deixar de dar as grazas a Xosé Antonio Mariño, Ton, un dos nosos compañeiros no Salvador, polo seu traballo e dedicación cos proxectos de cooperación. O pasado martes faleceu de forma repentina por problemas de saúde.

A toda a súa familia e amigos, a todos os seus compañeiros, queriamos transmitirlles noso máis sincero pesar. Aínda sabemos que todo o seu traballo que estivo realizando deixará unha gran parte del, da súa experiencia e dos seus coñecementos, que permitiron e permitirán ás comunidades locais seguir avanzando cara a unha sociedade respectuosa co medio ambiente, xusta e solidaria.

Ton levaba vivindo aproximadamente 15 anos no país aínda que era orixinario da Coruña e tiña nacionalidade española, sendo experto en acuicultura e pesca. Hai pouco máis de 4 meses foi contratado como coordinador local para O Salvador para o proxecto EcoPesca, un proxecto trinacional no Golfo de Fonseca. O noso compañeiro traballaba en CODECA,socio local de Amigos da Terra España na zona.

Sempre sentiu unha gran identificación coa nosa organización e os valores que promovemos. Ton formaba parte do noso equipo, traballando de forma moi estreita con todos nós no Salvador. A súa actitude entusiasta e a súa dedicación imprimían unha gran enerxía ao proxecto e a todos os que tivemos a sorte de traballar con él.

Por todo, grazas, Ton. Que descanses en paz compañeiro. Non che esquecerémos.

Amigos da Terra.