Cando as negociacións en torno á revisión da directiva de eficiencia enerxética de edificios entran na súa etapa final, organizacións medioambientais e sindicais piden aos representantes políticos compromisos reais, serios e ambiciosos para mellorar o comportamento enerxético do sector dos edificios da Unión Europea.

Nunha carta conxunta enviada o pasado 29 de outubro aos membros do Consello, do Parlamento Europeo e as representacións permanentes ante a UE, organizacións medioambientais e sindicais de España e Europa lémbranlles que reducir as emisións do sector dos edificios é fundamental para que a UE cumpra cos seus obxectivos sobre clima e enerxía, e que para iso necesítase unha directiva de eficiencia enerxética de edificios serios e ambiciosos que siga a senda marcada polo Parlamento Europeo na súa primeira lectura o pasado mes de abril.

As organizacións asinantes (CAN Europe, a Oficina Europea de Medio Ambiente, Amigos de la Tierra, Comisións Obreiras, Ecoloxistas en Acción, Greenpeace e WWF) consideran que as présas por pechar un acordo sobre o texto da directiva baixa o pretexto de acadar un rápido acordo antes do Cume de Copenhaguen en decembro, só conseguirán unha directiva feble e prexudicar aínda máis a credibilidade da UE ante as negociacións internacionais sobre clima e aos cidadáns europeos.

Neste punto, cabe lembrar que os edificios europeos malgastan actualmente unha gran proporción da enerxía que utilizan. Unha enerxía que en lugar de quentar as nosas casas ou reservarse para as xeracións futuras só consegue quentar máis o planeta, desperdiciar o diñeiro de familias e empresas e seguir aumentando a dependencia enerxética exterior.

Por este motivo, os principais puntos que as organizacións sociais considerarán para valorar o éxito do acordo sobre o texto final da revisión da directiva de eficiencia enerxética de edificios son os seguintes:

Coa revisión desta directiva, a UE ten nas súas mans a oportunidade de asentar un dos exemplos máis importantes de acción interna para loitar contra o cambio climático. Unha directiva de eficiencia enerxética de edificios sólida conseguiría axudar a aforrar máis de 80 millóns de toneladas equivalentes de petróleo ao ano (máis de 30 mil millóns de euros anuais), e asegurar un futuro enerxético máis seguro para Europa e todos os seus cidadáns.