Durante estas semanas de negociacións en Cancún, México, dende Amigos da Terra animámosvos a premer aos líderes políticos para que deixen de bloquear as negociacións e dean paso a un acordo baseado en xustiza climática.

Co fin de evitar os mesmos erros que se cometeron en Copenhague o ano pasado para frear as graves consecuencias do cambio climático, temos que lanzar unha mensaxe clara aos líderes do Cumio.

Á fronte das negociacións estará a Secretaria de Relacións Exteriores México, Patricia Espinosa Castellano. Espinosa debe manter as negociacións a salvo, poñendo fin ás reunións a porta pechada e evitando as inxustas restricións contra a sociedade civil, que xa vimos na anterior COP de Dinamarca.

Estes movementos son os oídos e a voz do planeta Terra. E só se conseguimos incluír as demandas da sociedade civil procedente de países de todo o mundo, conseguiremos un acordo forte e xusto en México.

ENVÍA A TÚA CARTA A PATRICIA ESPINOSA, SECRETARIA DE RELACIÓNS EXTERIORES DE MÉXICO!

PODES LER A TRADUCIÓN DA CARTA AQUÍ

Defende a xustiza climática!

Os nosos compañeiros de Amigos de la Tierra Inglaterra, Gales e Norte de Irlanda contarán con está ciberacción na súa web, e aseguraranse de facer chegar todas as túas demandas as persoas responsables.

O enlace lévate á web en inglés deste grupo de Amigos de la Tierra. Neste apartado encontrarás a tradución de toda a ciberacción. Se tes calquera dúbida, escríbenos e poñerémonos en contacto contigo.