Amigos da Terra súmase á concentración convocada en Vigo ás 19.00 horas, por Ecoloxistas en Acción e Verdegaia, en solidariedade co pobo xaponés e en contra da enerxía nuclear. Xa son máis de 30 as cidades nas que se convocaron para hoxe actos en solidariedade con Xapón e rexeitamento das nucleares.

En Fukushima Daichii prodúxose o segundo accidente máis grave da historia nuclear mundial, tras o de Chernobil. A situación actual é crítica, dada a fuga radioactiva xa detectada a centos de km. da central de Fukushima.

Estes sucesos poñen de manifesto o risco no emprego da enerxía nuclear e aconsellan abandonar esta fonte de enerxía. As centrais españolas non están exentas de problemas e supoñen un risco inadmisible. O máis sensato é proceder ao peche escalonado, co obxectivo de prescindir da enerxía nuclear no horizonte de 2020.

Por todo isto, e en solidariedade coas vítimas do terremoto, acude á concentración!!

Lugar: Vigo, diante do MARCO (Rúa Príncipe)
Hora: 19:00 horas
Data: 17/03/2011

É o momento de dicir non á enerxía nuclear!

Manifesto antinuclear