Amigos de la Tierra esixe un acordo xusto no cume do clima

A menos dun mes para que comece o Cume de Cambio Climático en Durban, Sudáfrica, Amigos de la Tierra lanza a súa campaña "Ecos pola xustiza climática". Así decenas de persoas de América Latina, África, Asia e Europa fixéronse ouvir gravando un breve vídeo, onde explican como lles está afectando o cambio climático nas súas comunidades.

A COP 17 comezará o 27 de novembro e debe representar unha nova oportunidade para lograr un compromiso internacional que poña freo ao quecemento global. Pero para alcanzar un acordo xusto, ambicioso e legalmente vinculante que contemple e enfronte os efectos máis graves do cambio climático os líderes políticos deben escoitar as voces do Sur Global.

Adobe Flash Player not installed or older than 9.0.115!

Amigos de la Tierra xunto a centos de organizacións da sociedade civil promove o movemento de Xustiza Climática. Con este fin, Amigos de la Tierra Internacional recompilou as voces da cidadanía africana, asiática, americana e europea, que narran as súas experiencias persoais dentro das súas comunidades, dando a coñecer os efectos do cambio climático sobre as súas formas de vida. A ONG dará eco pola xustiza climática cada semana, representando a cada continente, para dotar de voz e forza á mensaxe da cidadanía global por un acordo construído sobre a Xustiza Climática.

Os principais afectados polos desastres naturais, desde inundacións a secas, son as persoas dos países empobrecidos ou sen acceso a recursos nos países industrializados, o Sur Global. Con todo as únicas partes que parecen ser escoitadas nos cumes de cambio climático de Nacións Unidas son a contaminación, o consumo de recursos e os negocios. Os Gobernos parecen supeditados aos intereses comerciais das empresas transnacionales, en lugar de velar polo benestar da cidadanía, que cada vez se ve máis silenciada e atropelada polos intereses económicos dunha minoría.

A verdadeira presión ha de chegar da sociedade civil. Para isto é necesario dar eco e facernos ouvir pola xustiza climática a través de todos os medios ao noso alcance.

Amigos de la Tierra esixe aos responsables políticos:

- A adopción dun segundo período de compromiso do Protocolo de Kioto para os países do Anexo I.

- Un 40% de redución de emisións de CO2 interna respecto de 1990, como países causantes da crise climática.

- Un fondo de financiamento de polo menos 200.000 millóns para os países empobrecidos.

- Rexeitamento aos novos mecanismos de mercado de carbono, por tratarse de falsas solucións que permiten evitar a redución de CO2.

- Rexeitamento ao mecanismo de Redución de emisións pola deforestación e a degradación (REDD), tal e como está exposto, xa que fomenta o acaparamiento de terras e non respecta os dereitos das comunidades locais.