Amigos da Terra, coma entidade membro do Consello Forestal de Galicia, quere expresar as súas condolencias ás familias dos membros das brigadas antiincendios falecidos onte no lume de Fornelos de Montes, en Pontevedra.

Así mesmo, queremos amosar a nosa solidariedade co resto da gran familia de traballadores, brigadistas, axentes forestais, emisoristas, persoal de medios aéreos, vixiantes, voluntariado, etc., que tódolos anos xóganse a vida na campaña de defensa contra incendios.

Dende Amigos da Terra insistimos na necesidade de que Administración reflexione sobre obsoleta e ineficaz política contra incendios que se leva a cabo en Galicia dende fai décadas. Unha política na que cada ano se inviste máis orzamento en plans de extinción, deixando unha porcentaxe mínima para as medidas de prevención, fundamentais e primeiro paso para evitar os lumes.

Para a nosa organización é necesario que a Xunta de Galicia leve a cabo dentro do sector forestal unha política consensuada con tódolos axentes implicados (políticos, sindicatos, asociacións ambientais e o conxunto da sociedade), co obxectivo de rematar coa problemática dos incendios forestais que ano tras ano asolan a nosa comunidade.