Na III Semana Estatal de Loita contra os Transxénicos, a Plataforma Galega Antitransxénicos presenta denuncia ante a Fiscalia de Medio Ambiente por posible delito ecolóxico

Frente á defensa dos intereses das multinacionais que segue a representar o Goberno Central, organizacións da sociedade civil, labregos/as, ecoloxistas, consumidores/as; participan activamente dende o pasdo 12 de abril na Terceira Semana Estatal de Loita contra os Transxénicos, mostrando un ano máis o seu rexeitamento aos Organismos Modificados Xeneticamente (OMX).

Dentro das accións previstas, a Plataforma Galega Antitransxénicos presentará hoxe denuncia ante a Fiscalía de Medio Ambiente, en Santiago de Compostela, alertando da falta de transparencia das distintas administracións competentes na aplicación do regulamento dos cultivos transxénicos. No escrito tamén se denuncia a falta de inspeccións e controis administrativos obrigatorios que garantan o cumprimento de todas as medidas de bioseguridade nos campos galegos con cultivos transxénicos.

A liberación de especies de flora non autóctona como os transxénicos pode constituir un delito ecolóxico, xa que con dita liberación estamos introducindo no medio natural galego especies que prexudican o equilibrio biolóxico contravindo leis protectoras de flora e modificando a zona onde se cultivan.

O ano pasado a multinacional Pionner solicitou experimentar con millo transxénico en Galicia (no Concello de Mesía, A Coruña) [2]. A pesar da oposición frontal mostrada pola sociedade asi coma pola propia Xunta de Galicia, que chegou a alegar que "a parcela elexida no cumple coas medidas de seguridade esixidas para levar a cabo ensaios con millos modificados xeneticamente" [1], e alertar do perigo da contaminación de variedades locais de millo; o Ministerio de Medio Ambiente, Medio Rural y Marino autorizou o ensaio.

Gracias ao seguemento feito pola PGA, puidose comprobar que o campo fora destruído antes de que o ensaio finalizara; non obtendo ate o día de hoxe, ningunha resposta pública ás demandas de información sobre o que sucedeu con este experimento transxénico.

O periodo de presentación de solicitudes por parte das multinacionais aínda está aberto. Ate o momento, non hai rexistradas solicitudes de campos experimentais con transxénicos para Galicia.

A Plataforma Galega Antitransxénicos ten entre os seus obxectivos dar cabida a todos aqueles colectivos e cidadáns que demandan unha información ambiental á que teñen dereito e que non lles está sendo proporcionada pola Administración, o que os deixa ante unha total desprotección xurídica. Por iso a PGA, desde o seu nacemento, ven celebrando reunións e comunicacións con Administracións, tanto a nivel autonómico como estatal, para adquirir un compromiso que chegue ao bloqueo das autorizacións que permiten o cultivo de transxénicos e a comercialización dos mesmos sen identificación.

Podes consultar a:
Denuncia presentada na Fiscalía de Medio Ambiente de Santiago de Compostela.

[1] Acta da Comisión Nacional de Bioseguridad Nº 78, punto 5

[2] O Concello de Mesía declarouse por unanimidade "Zona Libre de Transxénicos". Con este Concello son xa 20 os que se declararon coma libres de transxénicos: Lalín, O Grove, Silleda, Forcarei, Salceda de Caselas, Gondomar, A Estrada (Pontevedra), Irixo, Verin, Ribadavia, Allariz (Ourense), Chantada, Riotorto (Lugo), Val do Dubra, Ames, Negreira, Teo, Mesía, Zas, Laxe (Coruña)