Dende hoxe, día 18 e ata o vindeiro 7 de xaneiro de 2012, o Pazo Torrado en Cambados acolle a exposición "Golfo de Fonseca: A loita por un futuro sostible", organizada por Amigos da Terra e AGARESO.

Entre o 10 e o 17 de outubro de 2011 celébrase en todo o Estado español a Semana de Mobilización contra a Pobreza. E en Galicia, como cada ano, a Coordinadora Galega de ONGD coordina todas as actividades que se levarán a cabo no territorio. Nestas rede participan as 48 ONGD integradas na Coordinadora Galega entre as que se atopa Amigos da Terra.

Amigos de la Tierra propón o ecoturismo comunitario como alternativa á industria do turismo tradicional. A través dos seus proxectos de cooperación, a asociación puxo en marcha un centro ecolóxico en Nicaragua, que busca protexer a biodiversidade e sensibilizar aos seus visitantes sobre o valor ambiental da zona.

En dous anos, A Xunta de Galicia reduciu o 48% do orzamento dedicado a cooperación ao desenvolvemento. Estes drásticos recortes están a dinamitar o traballo a prol da loita contra a pobreza que desenvolven as ONGD galegas e son a evidente mostra de que o goberno galego incumpre, de forma sistemática, os acordos asinados en materia de cooperación.