Dende a Coordinadora Galega de ONGD, da que forma parte activa Amigos da Terra, emprazámosvos a participar hoxe nun acto de protesta contra os recortes da Xunta de Galicia en Axuda Oficial ao Desenvolvemento: un 19% en 2011.

Coincidindo coa reunión que hoxe, ás 12:30 horas, celebrará o Consello Galego de Cooperación de Galicia (CONGACODE) no Hotel San Francisco, a Coordinadora organizará unha mesa informativa na que se distribuirá o informe Unha cooperación pobre para os máis pobres, un estudo que analiza o descenso da solidariedade do goberno galego (en adxunto).

Así mesmo, representantes das ONGD entregarán carbón aos máximos responsables políticos da cooperación galega que está previsto que estean presentes: o conselleiro de presidencia, Alfonso Rueda, o director Xeral de Relacións Exteriores e coa UE, Jesús Gamallo, e a Subdirectora Xeral de Cooperación Exterior, Pilar Romero.

Por todo isto, convocámosvos ás 11:45 na entrada do Hotel San Francisco (Campillo de San Francisco, 3), de Santiago de Compostela.

Esperamos contar coa vosa importante presenza!