Amigos da Terra e a Asociación Galega de Reporteiros Solidarios (AGARESO), abren o prazo de inscrición para o II Curso de Comunicación e Cooperación ao Desenvolvemento, que terá lugar os vindeiros 2 e 3 de abril no Centro de Educación Ambiental As Corcerizas (Ourense).

O curso, dirixido a membros de ONGD e profesionais dos medios de comunicación, pretende dar un paso máis na mellora das relacións entre os dous actores, ofrecendo novas ferramentas ás ONGD para que poidan mellorar as mensaxes que lanzan dende as súas organizacións, e converténdose ao mesmo tempo, nun espazo de reflexión para analizar as oportunidades e retos que ofrece a comunicación social á hora de acadar unha sociedade máis xusta e solidaria.

Estas xornadas, subvencionadas pola Xunta de Galicia a través de Cooperación Galega, son gratuítas para os asistentes. Non se inclúe o desprazamento.

O prazo de inscrición remata o vindeiro 28 de marzo. Prazas limitadas.

Aquí podedes ver o programa do curso.

Para máis información e reservas: 986 125 171 / Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo