Hoxe, tivo lugar en Santiago, a presentación oficial do proxecto "As mulleres alimentan o mundo", no que participan Amigos da Terra, A Cova da Terra, Panxea, Intermón Oxfam e Taller de Solidariedade, xunto  coa colaboración de Axuda en Acción e Solidariedade Internacional de Galicia. Un proxecto, co que se pretende sensibilizar á sociedade galega sobre o comercio xusto/consumo responsable, soberanía alimentaria e a Igualdade de Xénero.

Na primeira fase do proxecto fixeronse varios obradoiros con mulleres rurais, en diferentes puntos de Galicia. esións formativas, nas que se abordaron contidos relacionados co Comercio Xusto e consumo responsable, facendo fincapé no papel da muller produtora e a súa situación nos países do Sur.

Agora, para continuar o traballo xa iniciado, estamos a organizar o Encontro Internacional de Mulleres, que terá lugar o venres 25 e o sábado 26 de marzo en Lalín. Nesta cita, participarán as mulleres que estiveron nas sesións formativas, onde darán a coñecer as súas iniciativas e proxectos. E contaremos coa presencia de mulleres de América Latina, Asia e África.

Neste senso, teremos o privilexio de contar coa presenza de Eva Pineda, de Aldea Global (Nicaragua), Eranga Saramakoon, de Bio Foods (Sri Lanka) e Armanda Moreira, presidenta da Associação para o Desenvolvimento Integral de Rui Vaz (ADIRV).

Así mesmo, co galo das celebracións do Día Mundial do Comercio Xusto, o vindeiro 9 de maio, realizaránse actividades de difusión e promoción do Comercio Xusto, nas rúas e prazas das principais cidades galegas.

Podedes consultar aquí o programa do Encontro e descargar a ficha de inscrición. As xornadas son gratuítas, animádevos a participar!

Para máis información sobre o encontro podedes chamar ao 982230211 ou escribir a: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .