Entre o 10 e o 17 de outubro de 2011 celébrase en todo o Estado español a Semana de Mobilización contra a Pobreza. E en Galicia, como cada ano, a Coordinadora Galega de ONGD coordina todas as actividades que se levarán a cabo no territorio. Nestas rede participan as 48 ONGD integradas na Coordinadora Galega entre as que se atopa Amigos da Terra.

Desde o ano 2005 a sociedade mundial mobilízase durante esta Semana para esixir aos líderes políticos o fin da pobreza a través do cumprimento dos Obxectivos de Desenvolvemento do Milenio. Hoxe, no actual contexto económico, político, social e cultural, esiximos aos gobernantes que non dean un paso atrás nas políticas de loita contra a pobreza, que rectifiquen os recortes sociais e que defendan a solidariedade internacional por enriba dos mercados.

O lema para este ano é: «Esixe Pobreza Cero. A solidariedade non se recorta!» e aquí podedes leer o manifesto completo.

Podedes participar na loita contra a pobreza de moitos xeitos:

1. Presentación pública da Campaña de envío de queixas ao Valedor do Pobo. Entra aquí >>>.  Tamén podedes enviar vós as queixas dende aqui.

2. Teatro contra a pobreza nas rúas de Galicia. Entra aquí>>>

3. Unidades didácticas para a sensibilización e a mobilización social. Entra aquí>>>

4. Programación de actividades en toda Galicia. Entra aquí>>>

5. Participa nas mobilizacións do 15M previstas para o 15 de outubro. Entra aquí>>>

6. Difunde a Campaña Pobreza Cero! Entra aquí>>>