Enviouse o escrito de alegacións á Confederación Hidrográfica do Cantábrico denunciando a intención que teñen de executar un proxecto que debe ser rexeitado polo seu crítico impacto sobre o río Navia facendo desaparecer o Lugar de Importancia Comunitaria “Alto Navia”.

Amigos da Terra alega contra o proxecto xa este que suporía un impacto intolerable ecolóxica, económica e paisaxisticamente, ademais da destrución dun dos últimos hábitats dunha especie fluvial escasísima como é mexilón de río ou madreperla.

Considera, asimesmo, que o dano ao curso fluvial ten como motivación o lucro mediante a producción de enerxía eléctrica nun contexto de exceso de capacidade instalada. Neste senso, a Directiva Marco da Auga establece que a mesma non é un ben comercial como os demais, senon un patrimonio público que hai que defender, protexer e tratar como tal. Dende o colectivo pregúntanse se é a auga unha mercadoría ou é un ben público porque a patrimonialización da mesma por parte das administracións e das empresas privadas fai complexa a resposta á cuestión plantexada.

Cabe resaltar que o proxecto se executaría nun territorio protexido designado como Lugar de Importancia Comunitaria incumplindo os preceptos da Directiva Hábitats e da Lei de Patrimonio Natural e da Biodiversidade, cuia interpretación ven sendo moi restrictiva dende os propios sectores xudiciais que prohiben o desenvolvemento de todo tipo de plans que afecten á integridade dun espazo protexido.

Estes son algúns dos argumentos aducidos por Amigos da Terra e outros colectivos asturianos contra o proxecto, polo que solicitan a desestimación do mesmo xa que ademais a construción desta presa non se atopa entre as actuacións do vixente Plan Hidrolóxico da Conca Norte II.