| Programa de limpeza e rexeneración de espazos naturais |
| Escrito por Webmaster |
| Mércores, 25 Xuño 2008 01:00 |
        
A limpeza do vertedoiro vai carrexar, asemade, a rexeneración do espazo natural dentro dun programa denominado “Limpeza e rexeneración de espazos naturais” que Medio Ambiente vai levar a cabo co fin de acabar coa afección ambiental que estes vertidos supoñen para o entorno natural, alén do grave risco de incendio que na maioría dos casos, provocan estas situacións.  Amigos da Terra entende que a fase de rexeneración do espazo se completaría coa apertura das correspondentes investigacións tendentes a clarificar quen é o autor de tales feitos e así, interpór a correspondente sanción xa que so esta vía parece acadar a concienciación dos cidadáns máis irresponsables.  Ademais, non deberan ser os cartos públicos os que financien a limpeza de espazos degradados por cidadáns irresponsables. Hai que ter en conta o incremento da vulneración das leis sobre residuos que cada ano aumentan pese á labor de organizacións ecoloxistas, administracións e Seprona. Este Corpo de protección da natureza detectou ata 4000 infraccións o ano pasado motivadas por expedientes abertos sobre vertedoiros incontrolados. Ante esta situación, Amigos da Terra insta ás administracións competentes á creación de campañas de sensibilización e concienciación da poboación do medio rural, onde se detectan a gran maioría dos casos de vertedoiros ilegais e a levar a cabo as correspondentes accións que sirvan para a mellora da recollida de residuos, tanto no transporte dos mesmos, a propia recollida e as instalacións de destino. |
Sindicación RSS
