A pasada semana o Xulgado de O Carballiño ditou un auto no que daba luz verde á posibilidade de practicar algunhas das probas solicitadas polos ecoloxistas para esclarecer o caso dos cans mortos na canceira municipal no 2009. Non obstante, Amigos da Terra considera que o número de probas admitidas é insuficiente, e solicita que se recollan todas as evidencias que se reuniron durante estes dous anos.

Amigos da Terra tramitou o pasado venres un recurso de apelación contra este auto, xa que considera necesario non só a práctica das probas recollidas e admitidas no mesmo polo Xulgado, senón que consideran necesario que sexan admitidas todas as probas recollidas nos diferentes escritos tramitados ao longo destes dous anos.

O auto xudicial da semana pasada non contempla probas como a toma de declaración a certos testemuños como á antiga concelleira de Medio Ambiente de O Carballiño, que consideramos ten datos que aportar ao caso para o esclarecemento dos feitos. Pero non é a única persoa á que se lle pide testemuñar, senón que hai persoal que por entonces traballaba na canceira aos que aínda non se lles tomou declaración.

O recurso de apelación presentouse así mesmo na sala da Audiencia Provincial de Ourense para que dite resolución sobre o acordo da práctica das probas propostas.