No concello de Muíños teñen a enteira certeza que os espectáculos taurinos que executan no verán polas festas das Sopas do Burro Canso son “tradicionais” e que a tradición é termo que engloba unha total e ampla dispoñibilidade a facer calquer tipo de actividade.

O que parece que descoñecen dende o goberno municipal é que para que unha festa quede amparada pola “tradición” non basta que o diga o alcalde de turno, senón que debe ser un título outorgado pola Consellería de Cultura que decide dita tradicionalidade dende o punto de vista da cultura galega. E as Chegas de Bois non conseguiron nunca dita titulación. Nin esa nin outros títulos coma as autorizacións preceptivas e necesarias para levar a cabo o espectáculo.