Dende Amigos da Terra consideramos que o prazo establecido para recoller as observacións e alegacións que podemos realizar as organizacións e entidades representativas do sector foi un período de participación pública insuficiente, posto que un borrador de lei de tanto calado e complexidade obriga a moitas das organizacións a uns ritmos de debate sobre os seus contidos excesivamente breves.

Así mesmo, dende a organización opinamos que na elaboración do borrador da Lei de Montes de Galicia non se garante a participación pública dos axentes sociais representativos do sector, eixo básico da política forestal e medioambiental da Unión Europea e en teoría da propia Xunta de Galicia.

Por outra banda, dende o punto de vista metodolóxico, á hora de desenvolver unha nova Lei, parécenos máis axeitado comezar por elaborar unha estratexia forestal galega, e un novo plan forestal, que establecesen as bases do sector forestal nos seus aspectos produtivos e socio recreativos cos de conservación, e unha vez determinados estes aspectos esenciais, redactar a Lei de Montes como un medio para alcanzar os fins e obxectivos previstos na Estratexia e no Plan Forestal de Galicia previamente deseñados.

Podes consultar o conxunto das nosas alegacións aquí.