Amigos da Terra, presentou alegacions ao aproveitamento hidroeléctrico reversible de Santa Cristina, ao considerar que non se non se atopa entre as actuacións do vixente Plan Hidrolóxico,

xa que neste momento está en proceso de elaboración o novo Plan Hidrolóxico 2010-2015 da conca Miño-Sil e ata que sexa aprobado definitivamente non se deben autorizar concesións de aproveitamento hidroeléctrico que vaian en contradición co Plan Hidrolóxico.

Ademais este proxecto e estudo da modificación de características, autorización e declaración de utilidade pública do aproveitamento hidroeléctrico reversible de Santa Cristina, non pode considerarse como modificación do aproveitamento existente, senón que é unha nova concesión xa que se trata da construción de novos elementos descritos no devandito proxecto, para o cal requírese a solicitude da preceptiva concesión e non se axusta ao Regulamento do Dominio Público Hidráulico.

O dano que producirá a construción da nova central de santa Cristina ao curso fluvial do Sil ten como motivación o lucro mediante a produción de enerxía eléctrica, nun contexto de exceso de capacidade instalada na conca Miño-Sil. Asi a Directiva Marco do Auga establece que a auga non é un ben comercial como os demais, senón un patrimonio que hai que protexer, defender e tratar como tal.

O desenvolvemento deste proxecto ten lugar nun territorio protexido, designado como LIC “Canon do Sil”, xa que varios elementos como a central, cavernas, galerías, túneles de acceso, plataforma de infraestrutura e tramos de canalizacións, deben considerarse que están dentro da zona LIC, independentemente de que sexan subterráneos ou non, incumprindo radicalmente as limitacións establecidas da Directiva Hábitats e a Lei de Patrimonio Natural e da Biodiversidade. 

No proxecto tamen descríbense numerosos elementos construtivos tanto do aproveitamento hidroeléctrico como da liña eléctrica de conexión, que afectan a áreas calificadas como solo rústico de protección de espazos naturais, para o cal necesítase a correspondente autorización segundo a Lei do solo e urbanismo de Galicia.

Por ultimo, en relación á xustificación do proxecto, non existe unha produción real de enerxía xa que se está a consumir máis enerxía no sistema de bombeo que no de turbinación. Ademais, os sistemas de produción de enerxía eléctrica teñen que ser descentralizados, de forma que se produza o mais próxima aos lugares de consumo, feito que non ocorre para o caso da conca Miño-Sil, que xa se atopa saturada coa construción de centrais hidroeléctricas.

Por todo elo dende Amigos da Terra solicitamos que se desestime e formúlese unha declaración de impacto ambiental en sentido negativo para o proxecto aproveitamento hidroeléctrico reversible de Santa Cristina.