A asociación ecoloxista exise a Augas de Galicia a paralización inmediata das obras ata que se tomen as medidas de control para evitar definitivamente novos vertidos e que dunha vez se vixilen e controlen as mesmas.

Na de momento última denuncia por vertidos ao río Maceiras, presentada por Amigos da Terra en Febreiro deste ano, Augas de Galicia verificou o vertido e condenou ás empresas (cuns ridículos 6.000 euros) e respondeu que ditas empresas "implantaron melloras no sistema de depuración incrementando as medidas relativas á filtración e retención de sólidos residuais ao dominio público".

Canto menos un curioso xeito de implantar melloras cando ditas empresas levan xa acumuladas tres denuncias e condenas que suman 13.500 euros e novamente este mércores provocaron un novo vertido aos ríos Maceiras e Alvedosa.

"A falta de dilixencia e control, e a ausencia de sancións verdadeiramente exemplarizantes fai que Augas de Galicia envíe unha mensaxe clara á sociedade: si se trata do AVE se pode seguir contaminando impune e reiteradamente por máis denuncias que se presenten", manifestan desde Amigos da Terra, que aínda así volverán de novo a presentar a correspondente denuncia.

Se poden consultar e descargar a resolución das denuncias e os análisis de Augas de Galicia na seguinte ligazón >>>