A Confederación Hidrográfica do Miño-Sil enviou a Plataforma Rios Limpos, da que forma parte Amigos da Terra, unha copia do acordo de expediente sancionador aberto contra a empresa construtora da vía rápida Ourense-Celanova polos vertidos non autorizados realizados no mes de maio.

A comunicación que a Confederación Hidrográfica nos fixo chegar versa sobre a apertura dun expediente sancionador contra os vertidos realizados entre os días 26 e 30 de maio no rio dos Muiños e río Bieito e que foran denunciados pola plataforma Rios Limpos.

Como consecuencia desta denuncia a Confederación Hidrográfica, obrigou a empresa construtora a que construíse unha balsa de decantación para depositar os residuos que xeraban nas escavacións e que ata o de agora estábanse vertendo libremente ao entorno e aos canles dos ríos dos Muiños e Bieito.

Por unha vez, ainda algo tarde, as administracións executan e fan cumprir o mandato da Lei de responsabilidade ambiental cuxo espírito parte do principio de "quen contamina, paga", polo que aqueles operadores que contaminen, están obrigados a reparar os danos ou prexuízos ocasionados ao medio ambiente.