Esta alternativa, solicitada por Amigos de la Tierra ao goberno estatal hai máis dun ano, é a única que ofreceu resultados de redución significativos noutros países.

A semana pasada a Xunta de Andalucía presentou unha serie de medidas para rematar co déficit público da Comunidade, entre as que se incluía a imposición dunha taxa de 10 céntimos ás bolsas de plástico dun só uso, que en principio deberán pagar os comercios que usen este tipo de bolsas. Con esta medida prevese a recadación de 95 millóns de euros durante o ano 2011.

O exemplo próximo de Irlanda que, mediante a imposición dunha taxa de 20 céntimos, reduciu o seu uso de bolsas de plástico nun 95%, impúlsanos a apoiar esta medida, propoñendo a súa ampliación a un maior número de comunidades autónomas e apoiándoa principalmente dende o ámbito estatal.

"É necesario que todos os cidadáns e cidadás fagamos un uso responsable dos recursos que temos dispoñibles, reducindo aqueles que non son necesarios. A industria tamén debe colaborar neste aforro colectivo, sen mirar unicamente polos seus intereses económicos," engadiu Alodia Pérez, responsable da área de Residuos de Amigos da Terra.

Por todo iso, confiamos en que a Xunta de Andalucía poña en marcha esta medida o antes posible, e comparta os seus resultados co resto de rexións para animalas a tomar exemplo e aplicar a iniciativa.

(1). As bolsas dun só uso, ademais das de plástico convencional, son as bolsas biodegradables, un símbolo máis da cultura de "Usar e Tirar", que á súa vez levan consigo a explotación de campos de cultivo para a fabricación destas bolsas.