Portada NOVAS Amigos da Terra e outras asociacións ecoloxistas presentan alegacións ao Plan Galego de Residuos
Amigos da Terra e outras asociacións ecoloxistas presentan alegacións ao Plan Galego de Residuos
Escrito por Montse Fernández   
Xoves, 15 Xullo 2010 13:17
Chuza!DoMelhorLa TafaneraAupatuMenéameTuentiBuzzFacebookTwitter

incineracion

 

Amigos da Terra, a Federación Ecoloxista Galega (FEG), e a Sociedade galega de Educación Ambiental (SGEA), contando co apoio de Greenpeace, presentan un documento conxunto de alegacións ao borrador do novo Plan Galego de Residuos.

Este plan presentado o pasado mes de maio no Consello de Medio Ambiente de Galicia (COGAMA) recupera a xestión do lixo baseada na incineración, mesturándoa con algunhas medidas de redución e compostaxe “de cara a galería”, como a instalación de 8 plantas de compostaxe e a redución do 10 % do lixo xerado para o ano 2020.

 

Os grupos ecoloxistas galegos entendemos que estas medidas positivas carecen de ambición e son claramente insuficientes, xa que no fondo, o plan ten como elemento central a incineración, ao que dedica preto do 50 % do orzamento”.

 

Para nós é fundamental que o novo plan incorpore unha serie de aspectos básicos para acadar un tratamento sostible para os residuos.

  • Unha participación social activa, real e efectiva na planificación e deseño dos Plans de Residuos, para o cal un bo comezo sería a creación dunha mesa de traballo temática de residuos dentro do Consello Galego de Medio Ambiente e Desenvolvemento Sostible (COGAMADES).
  • A introdución de programas que empreguen a Educación Ambiental como unha outra ferramenta de xestión ambiental.
  • A priorización da redución dos residuos como eixo fundamental nas políticas de xestión, onde se inclúan tamén medidas lexislativas que regulen a produción de envases para acadar unha redución efectiva dos mesmos, xa que está comprobado que os acordos voluntarios non son eficaces.
  • Un cambio nos modelos de recollida selectiva, cun contedor específico para a materia orgánica que faga posible a súa recuperación e recollida sen impurezas.
  • A aposta pola compostaxe, tendo en conta que a fracción maioritaria dos nosos residuos é materia orgánica e que ben xestionada pode ser enteiramente reciclada e devolta ós solos incrementando a súa fertilidade.
  • Un modelo descentralizado, estable e adaptado ao modelo territorial galego, con pequenas plantas de xestión máis doada.
  • A desaparición da incineración das políticas de xestión do lixo galego.

 

Para ver o documento de alegacións, premer aquí.

 

Joomla Templates and Joomla Extensions by ZooTemplate.Com
 

Engadir un comentario

Se aos teus comentarios queres engadir videos de YouTube, preme no botón YouTube e pega a URL do video.


Código de seguridade
Recarregar

área de Residuos
UsaR y no tiRaR

O máis lido

Facer unha doazón

Coa túa doazón tamén axudas a manter vivo este proxecto. Grazas!

Tipo de Doazón:
  Única Única
Moeda:
 EUR
Cantidade:
Amigos da Terra - Tel. 988 374318 · Fax. 988 511020 - Rúa da Concordia, 20 - 2º Esq. 32003 Ourense. Aviso Legal.
Este sitio esta feito con Joomla e SiteGround. Versión en galego de Joomla 1.5 facilitada pola CiberIrmandade da Fala. Joomla é Software Libre baixo licencia GNU/GPL.

Sitio web en galego subvencionado por Presidencia - Secretaría Xeral de Política Linguística.