Tamén a Comisión Europea declarou o vindeiro ano 2011, coma o "Ano Europeo do voluntariado" para destacar o traballo das persoas voluntarias e incentivar máis aos cidadáns a que participen en actividades de voluntariado, centrándose en especial na mocidade a través do seu programa do Servizo Voluntario Europeo.

Pola súa banda, as entidades e organizacións que conforman a Plataforma do voluntariado de España, elaboraron un manifesto no que se expoñen diversas demandas de recoñecemento das accións voluntarias.

Por ultimo, dende Amigos da Terra queremos sumarnos a celebración deste dia e aproveitar para expresar a todas/os as/os voluntarias/os locais e europeos a labor xenerosa, o esforzo, o tempo e implicación que adican de forma solidaria e altruísta co obxectivo de mellorar a situación do noso medio ambiente e da sociedade en xeral. Por todo elo, queremos agradecervos a vosa colaboración e solidaridade.