O Tribunal Supremo (TS) dictou sentenza condenando ao pago de 50.000 euros por costas a dous grupos ecoloxistas. Ambos grupos viñan denunciando a reiterada contaminación do río Segura por verquidos ilegais por parte dunha empresa privada.

Amigos da Terra considera desafortunada esta resolución xudicial pois castiga a quen trata de defender un ben colectivo, como é o medio ambiente e, pola contra, deixa impune o feito ilegal de verquer ao río.

A constitución de fianzas en via xudicial é un tema moi polémico xa que na maioría dos casos os ecoloxistas que solicitan ao xuíz unha paralización como medida cautelar, son condenados ao pago de costas, pago que deixa ante unha total desprotección, non só aos grupos denunciantes que non se poden facer cargo desa contía, senón ao propio medio ambiente que queda ás expensas da decisión xudicial.

No caso dos verquidos ao río Segura, o alto Tribunal baseouse na presunta mala fe dos ecoloxistas. Pero, como se proba a “mala fe procesual” de quen ten a boa intención de protexer un ben colectivo como é o medio ambiente?

Namentres, o artigo 20.3 da Lei Orgánica do Poder Xudicial establece que “non poderán esixirse fianzas que pola súa inadecuación impidan o exercicio da acción popular, que sempre será gratuíta”. É incuestionable que a intermediación de grupos ecoloxistas en procesos xudiciais será sempre en aras a garantir a conservación do medio ambiente asumindo o papel das administracións irresponsables.

Parece obvio que ante esta decisión xudicial, contra a cal só cabe interpór recurso de amparo ante o Tribunal Constitucional, os grupos como Amigos da Terra rexeitemos o perverso exercicio da acción popular que se prevé como gratuíta pero que finalmente se interpreta como un acto de mala fe que impide, polo tanto, a obriga de denunciar cando se coñeza a perpetración dun delito que puidera devir en causas irreversibles para o medio ambiente.

Consulta a sentenza aquí e deixa a túa opinión: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo