Recentemente, a Comisión Europea apercibiu ao Estado membro español por non ter rematados os plans hidrolóxicos de conca que a Directiva Marco da Auga esixía presentar antes do 22 de decembro pasado.

O retraso na presentación dos plans fixo que o executivo comunitario tomara esta decisión outorgando un prazo de 2 meses para o cumprimento da obriga, prazo despois do cal abrirase a fase de información pública para a presentación de alegacións a ditos plans, se estes finalmente se elaboran en prazo.

Amigos da Terra, que veu participando no proceso público de adaptación da Directiva Marco da Auga, cualifica a desobediencia administrativa española como a resposta da importancia que o departamento do Ministerio de Medio Ambiente outorga á regulación de materias tan imprescindibles como son aquelas que atañen ao control e conservación das augas. Namentres, o goberno anuncia importantes inversións económicas en obras hidráulicas sobre as que se debe garantir, non so a idoneidade económica para construílas senon, e sobre todo, a ambiental, marco que debera vir amparado polos plans de conca.