Amigos da Terra comeza un novo Programa de Educación Ambiental dirixido a adultos/as no Centro de Educación Ambiental As Corcerizas: A Ciencia como ferramenta de Educación Ambiental. Claves para un Desenvolvemento Sustentable.

A Educación Ambiental, debido ao momento de crise ecolóxica global na que nos atopamos, é unha ferramenta imprescindible para acadar cambios progresivos nos hábitos e actitudes. Por eso Amigos da Terra a incorpora transversalmente en todas as accións da asociación e dirixida a todos os públicos. Non se trata de chegar somentes a un público cautivo, como son os nenos/as, senón que é importante incidir en adultos/as, administracións e outras entidades que xa hoxe en día teñen capacidade de decisión.

Tampouco debe tratarse de accións puntuais, se non de procesos, a través de proxectos a longo prazo, como o do Centro de Educación Ambiental As Corcerizas, que ademais de intentar cubrir todas estas carencias, mostra alternativas reais e viables.

Porén, esta semana da comezo en As Corcerizas un novo Programa de Educación Ambiental, dirixido a estudantes de ciencias, ciclos formativos e/ou educación:

A CIENCIA COMO FERRAMENTA DE EDUCACIÓN AMBIENTAL
CLAVES PARA UN DESENVOLVEMENTO SUSTENTABLE

Actividade gratuíta apoiada pola Consellería de Innovación e Industria, Dirección Xeral de Investigación, Desenvolvemento e Innovación.

Comeza a campaña de Educación Ambiental no centro xestionado pola asociación ecoloxista Amigos da Terra

Este xoves 7 de abril, arranca a campaña de Educación Ambiental para escolares na que se desenvolveran os seguintes programas:

“Sentir, Coñecer, Actuar” este é un programa didáctico dunha xornada formativa para os centros escolares da provincia de Ourense, na que desenvolverase unha das diferentes actividades propostas: Unha Aposta contra o Cambio Climático, Medio Ambiente e Cooperación ao Desenvolvemento, Rutas interpretativas pola serra de San Mamede (Bidueiral de Montederramo e Rebordechao), A música das montañas galegas e O valor dos nosos recursos.

“Aplicación de metodoloxías científicas para a conservación do medio natural”, este programa didáctico dunha xornada de duración está dirixido a Centros escolares de toda Galicia, onde se explicarán as aplicacións da ciencia para a conservación e recuperación do Medio Ambiente

O horario das actividades é de 11.00h á 17.00h e o número de participantes por xornada é de 40. (O xantar e o transporte correrá por conta dos/as participantes)

“A ciencia como ferramenta de Educación Ambiental”, programa dirixido a adultos (universitari@s, ciclos formativos, obradoiros de emprego), onde se darán a coñecer as claves para un desenvolvemento sostible.

Todas as actividades son gratuitas estando subvencionadas pola Consellería de Medio Ambiente e Desenvolvemento Sostible da Delegación Provincial de Ourense, e pola Consellería de Innovación e Industria, Dirección Xeral de Investigación, Desenvolvemento e Innovación.

Esta primaveira Amigos da Terra e a Dirección Xeral de Xuventude invítanche a pasar unha fin de semana “Camiñando ao son das montañas” en As Corcerizas. Á volta da esquina atópase a Primavera, e en As Corcerizas andamos xa nerviosas por estreala e disfrutala convosco; que mellor ocasión que esta para darlle a benvida.

Por segundo ano Naturalmente Galiza escolle As Corcerizas e a Serra de San Mamede coma un enclave para dar acollida as súas fins de semana ambientais dirixidas a mozas e mozos de 18 a 30 anos. Pero este ano hai novidades… que seica vos van gustar…

Tomade nota que comezamos, a fin de semana nas Corcerizas inclúe: roteiro ambiental interpretativo ata o bidueiral de Montederramo cunha actividade de rastros e sinais de fauna durante o mesmo, para a cal contaremos coa colaboracion da Sociedade Galega de Historia Natural. Despois da andaina gozaremos dun baño termal no Balneario de Baños de Molgas, e para rematar a fin de semana itinerario a cabalo pola serra, no que contaremos con profesionais da empresa Hípica de Maceda.

Bulide rapazas e rapaces!, que só temos catro fins de semana para disfrutar desta oportunidade única, entre Abril e Maio e o número de prazas é limitado!

Prazo de inscripción a partires do 13 de marzo.

O pasado venres, recén chegados a Galicia dende Finlandia e Belxica, Tiina e Lionel, voluntarios europeos de Amigos da Terra con proxecto As Corcerizas, achegáronse á Serra para visitar as instalacións e coñecer o entorno.

Na súa primeira visita tiveron a sorte de ver As Corcerizas baixo neve, este ano xa é a segunda vez que ocorre… un espectaculo maravilloso. Ademáis do atractivo que poida resultar para nós, as nevadas son moi beneficiosas para o acuifero do alto San Mamede. Esperamos que nunca deixemos de ver brotar o manantial do río Arnoia.

Ler máis…

Amigos da Terra abre o prazo de inscrición para os Centros escolares de toda Galiza que queiran participar neste novo Programa de Educación Ambiental.

A Dirección Xeral de I+D+I, no marco Programa de Comunicación e Sensibilización Social, pretende fomentar a cultura científica e concienciar á sociedade galega da súa importancia. Porén, a través desta proposta, levaremos a cabo o noso obxectivo de achegar as prácticas e coñecementos científicos, moitas veces relegados a un sector reducido, á nosa vida cotiá.

Unha fórmula para espertar a nosa curiosidade é mostrar de xeito práctico e vivencial o aspecto empírico da ciencia en plena natureza, complementado neste caso a través dos recursos educativos que ofrece As Corcerizas.

O programa estará en funcionamento desde Abril ata Xuño, dirixido a Centros escolares de toda Galiza.

Horario: chegada ao Centro ás 11:00h; saída ás 17:00h
Destinatarios/as: a partir de 6º de Primaria
Nº de participantes por xornada: 40

Xantar e transporte por conta dos/as participantes.

[Obxectivos e Programa ampliado]

Ficha de inscrición: Formato WORD / Formato PDF

Actividade gratuíta subvencionada pola Consellería de Innovación e Industria, Dirección Xeral de Investigación, Desenvolvemento e Innovación.

Dirección Xeral de Investigación, Desenvolvemento e Innovación