Se tes información de calquera actividade da que sospeites poida ser unha infracción ou un delito contra o medio ambiente, podes enviarnos a túa denuncia. O noso servicio de asistencia xurídica vaina tramitar ante a administración competente para que se restaure o dano e/ou para que se sancione a quen proceda.

Se queres tamén podes consultarnos sobre aspectos do dereito ambiental. Por exemplo:

- Como tramitar permisos, que administracións son competentes en cada caso; como facer alegacións a un proxecto prexudicial para o entorno; onde e a quen dirixir reclamacións ou solicitudes de información ambiental, etc.

Continuamente estamos recompilando e reunindo información sobre cursos, bolsas, premios, congresos e todo tipo de actividades relacionadas co medio ambiente que extraemos de folletos, revistas, portais de internet, etc. Para que poidas consultalas comodamente.

Se queres tamén podes remitirnos información de eventos para seren incluídos en esta base de datos de acceso público libre.

Dende aquí tamén te ofrecemos a posibilidade de que nos fagas chegar as túas consultas sobre calquera aspecto que teña relación co medio ambiente. Por exemplo:

- Como e onde obter información específica; que asociacións de medio ambiente hai perto de onde vives, que instalacións están destinadas á educación ambiental e como acceder aos seus servizos ambientais na túa localidade; etc.